Sjómaðurinn á strandveiðibátnum er látinn

Sjó­maður­inn á strand­veiðibátn­um sem sökk fyrr í dag fyr­ir utan Pat­reks­fjörð er lát­inn. 

Þetta kem­ur fram í til­kynn­ingu frá lög­regl­unni á Vest­fjörðum. Þar seg­ir að maður­inn hafi fund­ist við þann stað sem bát­ur­inn sökk. Var hann í fram­haldi flutt­ur til Pat­reks­fjarðar en við kom­una þangað var maður­inn úr­sk­urðaður lát­inn. 

Lög­regla seg­ir að ekki sé unnt að birta nafn hins látna að svo stöddu en að sam­band hafi verið haft við nán­ustu aðstand­end­ur hans. Þá hafi verið leitað til Rauða kross­ins til að veita þeim sem að mál­inu komu viðeig­andi aðstoð. 

Lög­regl­an á Vest­fjörðum fer með rann­sókn máls­ins og er Rann­sókn­ar­nefnd sam­göngu­slysa kunn­ugt um það, seg­ir í til­kynn­ingu. 

Fyrr í dag kom til­kynn­ing frá Land­helg­is­gæsl­unni þar sem sagði að skip­stjóri fiski­báts sem var stadd­ur í grennd­inni hafi haft sam­band við stjórn­stöð Land­helg­is­gæsl­unn­ar. Til­kynnti hann þeim að bát­ur­ væri sokk­inn og að einn maður væri í sjón­um.

Þyrla Land­helg­is­gæsl­unn­ar og áhöfn­in á björg­un­ar­skip­inu Verði voru kallaðar út í mesta for­gangi. Þá voru öll skip á svæðinu beðin að halda á staðinn. Áhöfn­in á björg­un­ar­skip­inu var fyrst viðbragðsaðila á vett­vang og náði mann­in­um úr sjón­um. Hann var flutt­ur með björg­un­ar­skip­inu til Pat­reks­fjarðar.

Frétt af mbl.is

Strand­veiðibát­ur sökk úti fyr­ir Pat­reks­firði

• Blogga um frétt