Hægðatregða á ferðalögum algeng

Margir upplifa mikinn kvíða tengdum klósettferðum á ferðalagi erlendis og er hægðatregða algeng meðal ferðamanna. Talið er að einn af hverjum fimm þjáist af henni.

„Mörgum finnst erfitt að slaka nógu vel á til þess að losa hægðir þegar það er statt á stöðum sem það þekkir ekki vel. Hægðatregða versnar eða verður vandamál þegar maður er fjarri heimili sínu,“ segir Sonny Lau læknir.

„Það skiptir ekki máli hvort maður sé á ferðalagi vegna vinnu eða bara að skemmta sér og njóta. Þá breytir það heldur engu hvort maður sé innanlands eða utan.“

Samkvæmt fræðunum á fólk að hafa hægðir allt frá einu sinni til þrisvar á dag eða niður í þrisvar í viku. Það að ferðast getur sett allt úr skorðum og er það talið vegna breytinga á matarræði.

„Við borðum trefjaminni mat á ferðalögum auk þess sem við drekkum ekki nógu mikið vatn.“

Góð ráð:

• Drekktu nóg af vatni. Gott er að hafa alltaf vatnsbrúsa á sér sem maður getur fyllt á.
• Borðaðu sérstaklega mikið af trefjum áður en þú leggur af stað í ferðalagið. Þannig byrjarðu á réttu róli.
• Forðastu mikið unnin mat, glútein og mjólkurvörur þegar þú ert á ferðalagi.
• Ef allt bregst þá er hægt að kaupa hægðalosandi lyf eða töflur í apótekum, heima jafnt sem erlendis.

• Blogga um frétt