Söngkonan Melanie Janine Brown, best þekkt undir listamannsnafninu Mel B, leggur ýmislegt á sig til að viðhalda heilsusamlegu og unglegu útliti sínu.

Brown, sem gerði garðinn frægan með stúlknasveitinni Spice Girls snemma á tíunda áratug 20. aldar, er mikill aðdáandi „infrarauðra“ sána og ísbaða og gaf fylgjendum sínum innsýn í rútínu sína á Instagram nýverið.

Söngkonan, einnig þekkt sem „Hræðslukryddið“, tekur frá tíma fyrir sjálfa sig á hverjum degi til að rækta heilsuna, bæði líkamlega og andlega, og segir það afar mikilvægt, sérstaklega í hröðum heimi þar sem streita og álag er ríkjandi.

Brown, sem fagnar fimmtugsafmæli sínu næsta vor, er örugg í eigin skinni og deildi meðal ann­ars nektarmynd af sér í sánuklefanum.

Það eru margir ávinningar sem fylgja því að byrja daginn á ísbaði. Það hvetur til losunar dópamíns, eykur framleiðslu á taugaboðefnum og bætir einbeitingu. Það sama má segja um „infrarauðar“ sánur, en þær geta meðal annars hjálpað til við að losa eiturefni úr líkamanum, styrkt hjarta- og æðakerfið og bætt útlit húðar. 

Tengdar fréttir

Instagram

Ástfangin á toppi þekkts fjalls í Suður-Afríku

• Helga Gabríela og Frosti fagna tíu ára sambandsafmæli
• Playboy-fyrirsæta tekur þátt í undankeppni Eurovision
• Lára Clausen og Jens Wessman greindu frá kyninu með viðhöfn
• Eva Laufey eyddi langri helgi í Lissabon

» Fleiri tengdar fréttir

• Blogga um frétt