„Buffy“ minnist litlu systur sinnar
Setja bókamerki
Tengdar fréttir
Poppkúltúr
/frimg/1/55/10/1551074.jpg)
Leikkonan Sarah Michelle Gellar, sem lék eldri systur Michelle Trachtenberg, í sjónvarpsþáttaröðinni Buffy the Vampire Slayer, minntist leikkonunnar á Instagram-síðu sinni fyrr í dag, einum degi eftir að greint var frá því að Trachtenberg hefði fundist látin í íbúð sinni á Manhattan.
Trachtenberg var 39 ára gömul.
„Michelle, hlýddu á mín orð. Ég elska þig. Ég mun ávallt elska þig. Það erfiðasta í þessum heimi er að lifa og hrærast í honum. Ég mun vera hugrökk. Ég mun lifa....fyrir þig,“ skrifaði Gellar við fallega myndaseríu af þeim.
Minnast frábærrar konu
Fjölmargar Hollywood-stjörnur hafa minnst leikkonunnar síðasta sólarhringinn og deilt myndum og fallegum orðum á Instagram-síðum sínum.
„Hvíl í friði elsku Michelle,“ skrifaði leikkonan Kim Cattrall, sem er best þekkt fyrir hlutverk sitt í Sex and the City. Hún lék ásamt Trachtenberg í Disney-kvikmyndinni Ice Princess frá árinu 2005.
„Ég er niðurbrotin yfir fréttunum um andlát Michelle. Hún kom með ástríka og góða orku á tökusett Buffy. Hugur minn er hjá fjölskyldu og vinum Michelle,” skrifaði Alyson Hannigan, sem kynntist Trachtenberg við gerð unglingaþáttaraðarinnar Buffy the Vampire Slayer.
Leikkonan Blake Lively rifjaði upp góðar stundir frá tökusetti Gossip Girl og lýsti Trachtenberg sem ljúfri og góðri manneskju í færslu sem hún birti á Instagram.
Tengdar fréttir
Poppkúltúr
„Stórt skref að komast þarna inn“
Niðurstaða og afurð „með öllu ófullnægjandi“
Enn ein úthlutunarnefnd ríkisins?
„Þá er tómt mál að tala um lífskjarasókn“
Ákærður fyrir manndráp eftir að hafa týnst í kerfinu
Enginn ber ábyrgð
Þrír dæmdir í kjölfar nafnlausrar ábendingar