Aston Villa náði í gærkvöld að rétta aðeins sinn hlut í ensku úrvalsdeildinni í knattspyrnu eftir slæman kafla undanfarið þegar liðið sigraði Brentford, 3:1, á Villa Park í Birmingham.

Morgan Rogers, Ollie Watkins og Matty Cash skoruðu mörkin á fyrstu 34 mínútunum en Mikkel Damsgaard svaraði fyrir Brentford í síðari hálfleik. 

Villa lyfti sér uppfyrir Brentford og í sjöunda sætið en eftir góða byrjun á tímabilinu var þetta fyrsti sigurinn í níu leikjum í öllum mótum.

Mörkin úr leiknum má sjá í myndskeiðinu en mbl.is sýnir efni úr enska fótboltanum í samvinnu við Símann Sport.