Eitt af skil­yrðum Vla­dimírs Pútín Rúss­lands­for­seta fyr­ir því að binda enda á stríðið í Úkraínu er að leiðtog­ar Vest­ur­landa heiti því að hætta að stækka Atlants­hafs­banda­lagið (NATO) til aust­urs og aflétti hluta af þving­un­araðgerðum gegn Rússlandi. 

Frá þessu er greint á Reu­ters en miðill­inn hef­ur þetta eft­ir rúss­nesk­um heim­ild­ar­mönn­um sín­um sem eru kunn­ug­ir samn­ingaviðræðum á milli Úkraínu og Rúss­lands. 

Heim­ilda­menn­irn­ir segja Pútín vilja skrif­leg lof­orð frá leiðtog­um vest­rænna ríkja um að Úkraína, Georgía og Moldóva muni ekki fá form­lega aðild að NATO. Eru þetta öll ríki sem voru hluti af Sov­ét­ríkj­un­um.

Auk­inn þungi í árás­um Rússa

Don­ald Trump Banda­ríkja­for­seti hef­ur lengi sagst vilja binda enda á inn­rás­ar­stríð Rússa í Úkraínu án ár­ang­urs. Í gær sagði hann Pútín „leika sér að eld­in­um“ með því að neita að taka þátt í vopna­hlésviðræðum við samn­inga­nefnd Úkraínu á meðan rúss­neski her­inn setti auk­inn þunga í árás­ir sín­ar. 

Yf­ir­völd í Úkraínu hafa ít­rekað sagt að Rúss­land ætti ekki að geta komið í veg fyr­ir að ríkið gangi í NATO. Banda­lagið hef­ur sömu­leiðis talað um að það vilji ekki breyta stefnu sinni vegna kröfu Pútíns en NATO hef­ur unnið eft­ir svo­kallaðri „opn­um dyr­um“ -stefnu sem þýðir að hvaða ríki sem er geti gengið í NATO svo lengi sem þau séu til­bú­in að fylgja skuld­bind­ing­um aðild­ar.

Geti haldið áfram stríðinu í mörg ár

„Pútín er reiðubú­inn að semja um frið en ekki á hvaða verði sem er,“ sagði einn heim­ild­armaður­inn. 

Ann­ar sagði að ef Pútín geri sér grein fyr­ir að hann muni ekki ná friðarsam­komu­lagi á eig­in for­send­um muni hann leit­ast við að sýna Úkraínu­mönn­um og Evr­ópu­bú­um hernaðarlega getu sína. Sagði hann jafn­framt að Pútín væri ekki til­bú­inn í mála­miðlan­ir hvað varðar landsvæði. 

Þá sagði ann­ar heim­ild­armaður að stjórn­völd í Rússlandi teldu sig geta haldið áfram hernaðaraðgerðum sín­um í mörg ár í viðbót, sama hvaða þving­un­araðgerðum Vest­ur­lönd­in myndu beita.