Segir Þorgerði Katrínu villa fyrir um stöðu ríkissjóðs

Njáll Trausti Friðbertsson, þingmaður Sjálfstæðisflokksins, segir í Facebook-færslu Þorgerði Katrínu Gunnarsdóttur, formann Viðreiðsnar, vera að villa mönnum sýn um ríkisfjármálin. 

Þorgerður Katrín sagði í samtali við mbl.is á dögunum að ný afkomuspá ríkissjóðs um að halli á ríkissjóð verði meiri á næsta ári en upphaflega var áætlað hafi að vissu leyti tafið stjórnarmyndunarviðræður Viðreisnar, Samfylkingarinnar og Flokks Fólksins. 

Frétt af mbl.is

Verri afkoma tefur viðræður

Lakari afkoma nú áætluð en var áður

„Þorgerður segir hér í meðfylgjandi frétt sé að ræða 30-50 milljarða auka halla um umfram það sem áður var áætlað,“ segir í skrifar Njáll. 

Eins og segir í fyrri frétt er heild­araf­koma A1-hluta rík­is­sjóðs árið 2025 nú áætluð nei­kvæð um 1,2% af vergri lands­fram­leiðslu. Er það lak­ari af­koma en áætlað var við fram­lagn­ingu fjár­laga­frum­varps­ins í sept­em­ber og fjár­mála­áætl­un­ar 2025- 2029 í apríl. 

Njáll heldur þá áfram í færslu sinni:

„Nú veit ég hvernig hún fær þessar tölur. Breytingin á framsettum frumvarpi til fjárlaga (í september) þar sem reiknað með 41 milljarða króna halla eða um 0,8% af vergri landsframleiðslu (VLF). Endanleg fjárlög voru afgreidd frá Alþingi með 59 milljarða króna halla eða 1,2% af VLF. Breytingin er upp á 18 milljarða eða 0,4% af VLF, það er heildarjöfnuður verði neikvæður 1,2% af VLF.“

„Ekkert nýtt eða óvænt í stöðu ríkissjóðs“

Þá segir hann að það hafi verið öllum ljóst sem fylgdust með í fjárlagaumræðunni hver staða ríkisfjármálanna væri. 

„Það er öllum ljóst að afkoma ríkissjóðs er 18 milljörðum verri en áætlað var við framlagningu fjárlagafrumvarpsins í haust þetta kom allt fram í vinnu fjárlaganefndar og þingsins í tengslum við 2. og 3. umræðu frumvarpsins sem afgreitt var í þingsal 12 dögum fyrir kosningar.“

„Hér er ekkert nýtt eða óvænt í stöðu ríkisjóðs. Nú er spurning hvort það sé verið að villum mönnum sýn og reyna að búa til einhverja nýja sviðsmynd í pólitískum tilgangi.“

• Blogga um frétt