Myndir: Sjáðu nýju álmuna á Keflavíkurflugvelli

Mathöll, rúmbetri brottfararsalur, sex ný brottfararhlið og þar af fjögur með landgöngum alla leið út í vél er meðal þess sem prýðir nýja tæplega 30 milljarða króna austurálmu Keflavíkurflugvallar.

Álman telur um 25 þúsund fermetra og er um þriðjungs stækkun á flug­stöðinni eins og hún hef­ur verið á und­an­förn­um árum.

mbl.is fékk að lítast um í nýju álmunni í dag.

Rúmgóður brottfararsalur

Brottfararsalurinn nýi er ansi rúmgóður. Þar er að finna sex ný brottfararhlið og salernisaðstöðu. Bylting fyrir brottfararfarþega og starfsfólk Keflavíkurflugvallar.

Ný mathöll

Á undanförnum 24 mánuðum  hafa verslanir og veitingastaðir fengið uppfærslu í flugstöðvarbyggingunni. Í tengibyggingu austurálmunnar við gömlu flugstöðvarbygginguna hafa verið opnaði þrír nýir veitingastaðir í mathöll.

Sex ný brottfararhlið

Fjögur af sex nýjum brottfararhliðum hafa landgang sem liggur alla leið út í vél en við hin tvö hliðin eru ný rútustæði, sem eru töluvert rúmbetri en eldri stæði í flugstöðinni.

Bylting fyrir starfsfólkið

Sett hefur verið upp nýtt baksvæði fyrir farangursbelti og töskusalurinn í flugstöðinni hefur verið stækkaður – sannkölluð bylting fyrir þá sem ganga um svæðin.