Á þriðjudagskvöld náðust loksins samningar á milli kennara, ríkis og sveitarfélaga og var í kjölfarið öllum verkföllum aflýst. Náðust samningarnir eftir að breytingar voru gerðar á forsenduákvæði sem styr hafði staðið um.

Eins og komið hefur fram í fréttum fá kennarar strax 8% hækkun og gildir samningurinn frá 1. júní á síðasta ári til loka mars árið 2028, eða í fjögur ár. Oft hefur verið bent á að ríkið samþykki afturvirkni samninga langt aftur í tímann, en hvernig er það í þessu tilfelli?

Með fyrri innahústillögunni sem Ástráður Haraldsson ríkissáttasemjari lagði fram í nóvember var samið um að kennarar fengju eingreiðslu upp á 3,95% hækkun frá 1. júní. 8% hækkunin sem nú er samið um gildir frá 1. febrúar. mbl.is/Hákon

Samið um eingreiðslu í nóvember

Í nóvember, þegar verkföllum kennara var frestað fram í janúar með fyrri innanhústillögu sáttasemjara, var samið um að kennarar fengju eingreiðslu upp á 3,95% launahækkun frá 1. júní þegar samningar voru lausir.

Inga Rún Ólafs­dótt­ir, formaður samn­inga­nefnd­ar Sam­bands ís­lenskra sveit­ar­fé­laga, staðfestir í samtali við mbl.is að hækkunin sem nú var samþykkt upp á 8% nái frá 1. febrúar og því komi ekki til eingreiðslu upp á frekari afturvirkni en fyrir þann mánuð en þegar hafði verið gengið frá með innanhústillögunni í nóvember.

Frétt af mbl.is

Svona náðust samningar: Hvað fela þeir í sér?

Tengdar fréttir

Kjaraviðræður

„Við höfum verulegar áhyggjur“

• Ákvörðun Eflingar kom í opna skjöldu
• Niðurstaða og afurð „með öllu ófullnægjandi“
• Efling segir upp samningum
• „Þá er tómt mál að tala um lífskjarasókn“

» Fleiri tengdar fréttir

• Blogga um frétt