Einföld klassík með langa sögu

Margherita pítsan er ein elsta og þekktasta pítsutegund í heiminum og á rætur sínar að rekja til Napólí á Ítalíu. Hún var fyrst bökuð á 19. öld og er sögð hafa fengið nafn sitt til heiðurs ítölsku drottningunni Margherita af Savoy. Þessi klassíska samsetning, stökkur botn, fersk tómatsósa, mozzarella ostur og basilika, táknar ítalska fánann með rauðum, hvítum og grænum litum.

Það er einfaldleikinn sem hefur gert Margherita að eftirlæti pítsuaðdáenda um allan heim því þetta er pítsa sem hefur sannarlega staðist tímans tönn og er jafnvinsæl í dag og hún var fyrir 150 árum.

Ristorante Margherita – lausn fyrir annasaman dag

Íslendingar hafa lengi kunnað vel að meta Ristorante pítsurnar frá Dr. Oetker, sem eru bæði handhægar og ljúffengar en hingað til hefur þó vantað þessa klassísku tegund í vöruvalið. Margherita pítsan er nú loksins komin í vöruval Ristorante og er tilvalin þegar tíminn er naumur eða gesti ber óvænt að garði. Það er einfalt að skella henni í ofninn og vera þannig fljótur að redda kvöldmatnum eða léttum veitingum.

Fyrir þá sem vilja gera eitthvað meira úr máltíðinni er Margherita pítsan líka frábær grunnur til að bæta við sínum uppáhalds hráefnunum, eins og til dæmis parmaskinku, klettasalati og parmesan osti. Með lítilli fyrirhöfn er hægt að útbúa eigin „gourmet" pizzu á mettíma.

• Blogga um frétt