Hátíðarmeðlæti fyrir grænkera

Ofnbakað rósakál með graskeri, trönuberjum, hnetum og hlynsýrópi

• 3 bollar rósakál
• 2 tsk ólífuolía.
• ¼ tsk maldonsalt

Aðferð:

1. Skerið endann af rósakálinu og hreinsið ystu blöðin af.
2. Setjið hreinsað kálið í skál.
3. Blandið saman ólífuolíu og salti í skál og hellið yfir rósakálið.
4. Látið í eldfast mót og hitið í ofni við 200 gráður í um það bil 10-12 mínútur.
5. Það er best að gera rósakálið sér því það þarf ekki jafnlangan tíma og graskerið.
6. Fylgist vel með rósakálinu í ofninum svo það ofeldist ekki eða brenni.
7. Meðan rósakálið er hitað í ofninum er graskerið undirbúið.

Ofnbakað grasker

• 1-2 stk grasker
• 3 tsk ólífuolía
• 4 tsk hlynsíróp
• ¼ tsk kanill
• smá salt
• 1 bolli trönuber
• 2-4 msk hlynsíróp

Aðferð:

1. Graskerið skorið í 3-4 cm bita.
2. Blandið saman hlynsírópi, ólífuolíu, kanil og salti í skál.
3. Hellið því yfir graskerið.
4. Látið marinerast í smástund áður en graskerið er sett í 200 gráða heitan ofn.
5. Bakið þar til það er orðið mjúkt og smástökkt í um það bil 25 mínútur.
6. Pekanhnetur eru ristaðar á pönnu. Það er ekki nauðsynlegt en þá kemur meira bragð af þeim.
7. Trönuberjum og hlynsírópi hellt yfir í lokin þegar búið er að ofnbaka graskerið og rósakálið.

Sætkartöflumús
í ­hátíðarbúningi

• 2-3 kg sætar kartöflur

Aðferð:

1. Kartöflurnar eru skrældar, skornar í bita og settar í pott.
2. Látið sjóða í smástund, ekki lengur en í 12 mínútur.
3. Kælið aðeins kartöflurnar.
4. Stappið þær með kartöflustappara eða töfrasprota og setjið í eldfast mót.

Næst er eftirfarandi hrært saman:

• ½ dl Oatly-haframjólk
• ¼ dl Oatly-veganrjómi, þessi í hvítu fernunum
• ½ dl hlynsíróp
• 1 dl safi úr kjúklingabaunadós (aquafaba-safi)
• ½ tsk vanilla extract.

Aðferð:

1. Setjið efnin saman í skál og þeytið vel þar til það er líkt og rjómafroða. Þessu er hellt yfir sætu kartöflurnar.

Því næst er blandað saman í skál:

• ½ dl hveiti
• ½ dl kókospálmasykur
• ¼ bolli vegansmjör, brytjað í teninga
• ½ bolli pekanhnetur

Aðferð:

1. Þessu er blandað saman í skál og raðað ofan á sætu kartöflurnar í eldfasta mótinu.
2. Hitið ofninn í 210 gráður.
3. Setjið álpappír ofan á kartöflumúsina og bakið hana í 15 mínútur.
4. Takið síðan álpappírinn af og haldið áfram að elda í 25 mínútur.

Rauðkál

• 1 haus íslenskt rauðkál
• 1 dl rauðvínsedik
• 2 dl púðursykur
• 2 kanilstangir
• 3-4 rauð epli
• nokkur stk stjörnuanís
• ½ tsk salt

Aðferð:

1. Byrjið á að skera rauðkál niður og setja í pott.
2. Skerið niður eplin í litla bita og blandið við rauðkálið.
3. Hellið rauðvínsedikinu yfir og hrærið púðursykur saman við.
4. Setjið kanilstangirnar og stjörnuanís í pottinn.
5. Sjóðið í pottinum þar til rauðkálið er orðið mjúkt.
6. Kælið rauðkálið í pottinum.
7. Takið kanilstangirnar og stjörnuanísinn úr rauðkálinu áður en það er sett í krukkur.
8. Setjið rauðkálið í krukkur og geymið í kæli.

Eplasalat/Waldorfsalat

• 1 dl vegan sýrður rjómi
• 8 msk veganmajónes
• 1 tsk sítrónugras
• salt og pipar
• 4 græn epli
• 120 g græn vínber
• ½ dl þeyttur veganrjómi
• 60 g valhnetur

Aðferð:

1. Byrjið á að skola vínber og græn epli.
2. Skerið vínber í tvennt. Kjarnhreinsið eplin og skerið í bita.
3. Blandið eplum og vínberjum saman í skál.
4. Hrærið saman majónes og sýrðan rjóma og blandið saman við vínberin og eplin.
5. Skolið sítrónugrasið, skerið smátt og setjið út í blönduna.
6. Þeytið rjómann, bætið salti og pipar út í rjómann með sleif og látið hann út í blönduna.
7. Að lokum eru valhnetukjarnar brotnir og settir saman við blönduna.
8. Skreytið með valhnetum.

Gulrætur, salvía og ­hvítlaukur

• 250 g íslenskar gulrætur
• 50 g fersk salvía
• 3-4 hvítlauksrif
• 150 g vegansmjör

Aðferð:

1. Hreinsið gulræturnar og skerið í strimla.
2. Takið salvíuna og skolið hana.
3. Hvítlauksrifin eru pressuð og steikt í vegansmjöri á pönnu.
4. Gulrótum bætt við og þær steiktar þar til þær hafa mýkst.
5. Að lokum er salvíu bætt við.
6. Látið malla saman í um það bil 15 mínútur.