,,Hvetjum syrgjendur að fara inn í jólin út frá líðan"

Ína Lóa Sigurðardóttir, framkvæmdastjóri Sorgarmiðstöðvarinnar, er gestur Berglindar Guðmundsdóttir í Dagmálum dagsins. Ína Lóa hefur borið hagsmuni syrgjenda fyrir brjósti í mörg ár en hún þekkir sorgina af eigin raun. Árið 2002 varð Ína fyrir því að missa barn á meðgöngu og tíu árum síðar missti hún maka sinn til 18 ára úr heilaæxli. Í þættinum ræðir hún um reynslu sína af djúpstæðri sorg sem hefur litað allt hennar líf, hvernig jólahátíð ljóss og friðar getur komið við syrgjendur og síðast en ekki síst, með hvaða hætti aðstandendur geta létt undir með þeim sem eiga um sárt að binda um jólin.