EM í fótbolta
Gunnar Egill Daníelsson
gunnaregill@mbl.is
England, Spánn, Þýskaland og Sviss tryggðu sér öll sæti í átta liða úrslitum EM karla í fótbolta í Þýskalandi með sigrum í 16-liða úrslitum um helgina.
England lagði Slóvakíu að velli, 2:1, eftir framlengingu í gær og mætir Sviss í átta liða úrslitum 6. júlí í Düsseldorf.
Ivan Schranz kom Slóvökum í forystu á 25. mínútu eftir gott samspil við David Strelec. Var það þriðja mark Schranz á mótinu.
Slóvakía virtist vera að sigla fræknum sigri í höfn þegar Jude Bellingham jafnaði metin fyrir England með stórkostlegri bakfallsspyrnu á fimmtu mínútu uppbótartíma og knúði fram framlengingu.
Fyrirliðinn Harry Kane kom Englendingum svo yfir strax á fyrstu mínútu framlengingarinnar og reyndist það sigurmarkið.
Spánverjar ekki í vandræðum
...