![Gífurlegur mannfjöldi er á vergangi eftir síðustu rýmingarskipun í Khan Yunis](https://c.arvakur.is/m2/S7M_jzRT8u9s6HihTHkrv-se7oI=/fit-in/1024x0/myndir/gagnasafn/2024/07/03/j3-11b_1356477.jpg)
Gífurlegur mannfjöldi er á vergangi eftir síðustu rýmingarskipun í Khan Yunis
— AFP/Eyad Baba
Harðar loftárásir voru gerðar á borgina Khan Yunis í suðurhluta Gasa í gær, eftir að talsmenn Ísraelshers gáfu út rýmingarskipun á svæðinu í kjölfar loftárása Íslamska Jíhad frá borginni. Samkvæmt upplýsingum frá sjúkrahúsi í borginni í gær höfðu átta manns látist í árásunum og 30 særst.
Fulltrúar Sameinuðu þjóðanna telja að rýmingarskipunin hafi áhrif á 250 þúsund Palestínubúa sem munu yfirgefa svæðið líklega varanlega. Ljósmyndari AFP sá fjölda íbúa halda gangandi af stað, á hestum, ösnum eða í bílum, með allt sitt hafurtask. Margir þeirra eru á leið út í óvissuna og vita ekki hvar þeirra næturstaður verður.