Star Trek-aðdáendur kannast eflaust við Pine í hlutverki James T. Kirks.
— Ljósmynd/IMDB
Neistar Leikarinn Chris Pine opinberaði nýtt ástarsamband þegar hann sást ganga hönd í hönd með „óþekktri“ konu á götum Portofino á Ítalíu í liðinni viku. Þetta ku vera fyrsta sambandsopinberun hans síðan hann skildi við leikkonuna Annabelle Wallis (Peaky Blinders) árið 2022. Hinn 44 ára Pine, sem er þekktur fyrir að leika James T. Kirk í kvikmyndinni Star Trek – The Future Begins, hreppti næstum hlutverk Ryans Atwoods í þáttunum The O.C. Ástæðan fyrir að hann missti hlutverkið var sögð vera slæm húð. Sjálfur sagði hann að unglingabólurnar sem þyrluðust um andlit hans er hann var 23 ára hefðu ekki passað við „melódramað“ sem var rauði þráðurinn í þáttunum.