Ljónynjan Yuna hefur þurft að ganga í gegnum ýmislegt en henni var bjargað frá Úkraínu á dögunum. Hún komst heilu og höldnu í dýraathvarfið Big Cat Sanctuary í Bretlandi en þar fékk hún tækifæri til að snerta gras í fyrsta skiptið. Hún hafði verið skilin eftir á yfirgefnu heimili í Kænugarði eftir að Rússar réðust inn í Úkraínu en þar hafði hún verið geymd í agnarsmáu búri allt sitt líf. Cam Whitnall, sem sérhæfir sig í að bjarga stórum kattardýrum, náði augnablikinu á myndband sem hefur vakið mikla athygli á internetinu. Sjáðu myndbandið á K100.is.