2022 Teitur Örn Einarsson lék með Flensburg gegn Val á Hlíðarenda.
— Morgunblaðið/Eggert
Teitur Örn Einarsson, landsliðsmaður í handknattleik, leikur ekki með þýska liðinu Gummersbach næstu vikurnar vegna meiðsla á fæti sem hann varð fyrir í leik gegn Leipzig um helgina. Viðbúið er að hann missi þar með af því að mæta FH í Evrópudeildinni í Kaplakrika 15. október en liðin leika aftur í Þýskalandi hinn 19. nóvember. Teitur kom til Gummersbach frá Flensburg í sumar og hefur farið vel af stað með liðinu.