Jepplingur sem sást ofan á ruslagámi í Flórída vakti mikla furðu vegfarenda á dögunum. Málið hefur nú verið upplýst, en staðsetning bílsins tengdist óheppilegu bílastæðavali og lyftara. Byggingarstarfsmenn voru við vinnu á svæði þar sem jepplingnum hafði verið lagt óleyfilega en þeir notuðu þá lyftara til að koma honum fyrir ofan á ruslagámnum. „Stundum þegar þú leggur þar sem þú átt ekki að leggja getur svona gerst,“ er haft eftir byggingarstarfsmanni. Jepplingurinn var síðar fluttur á löglegt bílastæði. Nánar í furðufréttum á K100.is.