Af fuglaskoðun, drykkju og rímorðum

Skúli Pálsson fór í fuglaskoðun og lýsti því sem bar fyrir sjónir undir bragarhættinum stuðlafalli:

Maríuerla, má ég tala við þig

ef þú hefur tíma til.

Tístið þitt ég núna skil.

Með rauða bringu, beinan gogg og augu vökul

hér má líta háfættan

heiðarlegan jaðrakan.

Sílamáfur sat og beið á þakbrún,

hingað sveif er honum bauð

hálfuppétið pylsubrauð.

Stelkur upp á staur á öðrum fæti:

hverja flugu fær