Oceanus / Hafsjór nefnist listahátíð sem hófst á Eyrarbakka fyrr í þessum mánuði, en um helgina fer fram sérstök sýningaropnun þar sem gestum gefst tækifæri til að skoða verk þeirra bæði íslensku og erlendu listamanna sem þátt taka. „Sýningin, gjörningar, dans, tónlist og performance, mun mögulega fara fram í Kartöflugeymslunni, verksmiðjuhúsnæði, Rauða húsinu, þorpsversluninni útihúsum við byggðasafnið og mögulega fleiri óhefðbundnum sýningarrýmum víðs vegar um þorpið á Eyrarbakka, úti og inni,“ segir í viðburðarkynningu, en allar nánari upplýsingar um viðburðina má finna á vefnum oceanushafsjor.com og á samfélagsmiðlum hátíðarinnar. Meðal sýnenda í ár eru Auður Hildur Hákonardóttir, Becky Fortsythe, Dario Massarotto, Gio Ju, Genevieve Bonieux, Hekla Dögg Jónsdóttir og Soffía Sæmundsdóttir.
Sýningin er opin í dag kl. 14-18 og morgun kl. 13-18. Helgina 5. og 6. október er sýningin opin
kl. 13-18.