Hæfileikinn að heyra ekki

Oft er sagt að karlmenn hafi þann eiginleika að loka eyrunum þegar þeir vilja ekki heyra „nöldur“ í konunum sínum, nú eða þegar þær biðja þá um að sinna heimilisstörfum eða dytta að húsinu. Á ensku heitir þetta „selective hearing“ og gæti þá verið þýtt á íslensku sem valkvæð heyrn. Þetta getur að sjálfsögðu verið mjög pirrandi fyrir makann sem þarf sífellt að endurtaka sig og er þá stimplaður tuðari eða nöldrari fyrir bragðið.

Ég er búin að uppgötva að ég er haldin þessu; valkvæðri heyrn. Það snýr ekki að neinum maka, enda á ég engan, heldur frekar að ég get alveg „sónað út“ þegar fólk talar um eitthvað sem ég annaðhvort hef ekki áhuga á, eða sem er ofar mínum skilningi, eins