Spennuþættir Amazon Prime hefur tilkynnt um gerð framhaldsþátta sem gerðir eru eftir gríðarlega vinsælum glæpasögum Patriciu Cornwell þar sem réttarmeinafræðingurinn Kay Scarpetta er í aðalhlutverki.
Stórleikkonan Nicole Kidman fer með aðalhluverk í þáttunum og Jamie Lee Curtis verður í hlutverki systur hennar. Þættirnir munu bera heitið Scarpetta. Gert er ráð fyrir tveimur þáttaröðum til að byrja með. Framhaldið fer svo eftir viðtökum.
Tökur hefjast nú í októbermánuði í leikstjórn David Gordon Green en nýjasta mynd hans er The Exorcist: Believer.