Í Hafnarborg stendur yfir fjórtánda haustsýning safnsins. Árlega óskar safnið eftir innsendum tillögum frá sýningarstjórum og að þessu sinni er það sýningin Óþekkt alúð í sýningarstjórn Þórhildar Tinnu Sigurðardóttur.
Sýningarstjórinn fékk til liðs við sig fjórtán listakonur og -kvár sem, eins og segir í sýningartexta, leitast á einn eða annan hátt við að særa fram krafta myndlistarinnar til þess að veita fólki heilun og auka almenna samkennd.
Verk Tinnu Guðmundsdóttur á sýningunni nefnist Haltu því fyrir sjálfa þig – heilun að handan. Þar má heyra hljóðupptöku af fundi móður listakonunnar með spámiðli árið 2005. Verkið samanstendur einnig af handprjónuðum barnapeysum og karlmannsskyrtum sem hanga saman á áberandi hátt í sýningarsalnum.
Titill verksins eru
...