60 ára Eygló er Reykvíkingur, ólst upp í Vogahverfinu en býr í Hveragerði. Hún er lyfjatæknir og sjúkraliði að mennt og er deildarstjóri stuðningsþjónustu í Hveragerðisbæ. Áhugamálin eru ferðalög og útivist og svo stundar Eygló líkamsrækt.
Fjölskylda Eiginmaður Eyglóar er Hjálmar Kristjánsson, f. 1962, mjólkurbílstjóri. Synir Eyglóar eru Andri Már, f. 1985, og Ingi Þór, f. 1992. Börn Hjálmars: Ása Berglind, f. 1984, Knútur Trausti, f. 1988, d. 2012, og Smári Ragnar, f. 1995. Barnabörn Eyglóar og Hjálmars eru samtals 11. Foreldrar Eyglóar: Jóhannes Guðmundsson, f. 1942, d. 2012, sjómaður og hafnarvörður, og Þórunn Huld Nielsen, f. 1942, vann alla tíð í þvottahúsinu Fönn, búsett í Reykjavík.