kvikmyndir
Helgi Snær Sigurðsson
Kvikmyndin His Three Daughters var frumsýnd í september í fyrra á alþjóðlegu kvikmyndahátíðinni í Toronto og var fyrr á þessu ári sýnd í Bandaríkjunum, áður en hún fór á Netflix. Í henni er fjallað um þrjár systur og sögusvið myndarinnar nær eingöngu íbúð einnar þeirra í New York. Persónan sem tengir saman þessar þrjár konur, dauðvona faðir þeirra Vincent (Jay O. Sanders), sést ekki fyrr en í blálokin og staldrar þá stutt við.
Vincent býr í leiguíbúð með einni dætra sinna, Rachel (Natasha Lyonne), sem sinnir honum daglega með hjúkrunarkonu sér til aðstoðar. Rachel hefur tekjur af veðmálum á netinu og virðist aðeins fara úr húsi til að reykja gras. Hinar dæturnar tvær, þær Katie (Carrie Coon) og Christina (Elizabeth Olsen), eru alsystur, Rachel
...