60 ára Snorri Már ólst upp á Ísafirði en býr í Reykjavík. Hann hlaut í fyrra, fyrstur manna, Íslensku lýðheilsuverðlaunin í flokki einstaklinga. Hann hefur verið óþreytandi við að benda á gagnsemi þess að stunda hvers konar hreyfingu, ekki bara sem forvörn gegn heilsuleysi heldur líka sem meðferð við sjúkdómum og til þess að halda niðri sjúkdómseinkennum ólæknandi sjúkdóma. Hann greindist sjálfur með Parkinson-sjúkdóminn tæplega fertugur. „Ég átti 20 ára svoleiðis afmæli í síðasta mánuði.“
Snorri Már starfaði lengst af sem umbúðahönnuður og -ráðgjafi og vann hjá Kassagerðinni og Prentsmiðjunni Odda og rak einnig eigið fyrirtæki, en hætti að vinna fyrir fimm árum.
Hann hefur staðið fyrir Skemmtiferðum frá 2012 og í ár voru Skemmtiferðirnar samvinnuverkefni sem allir gátu tekið þátt í og var takmarkið að safna kílómetrum í hreyfingu, hvort sem það er hjól, ganga, hlaup eða sund.
Sjálfur stundar Snorri Már líkamsrækt alla daga. „Ég fer
...