Jonn Sólheim Thomsen telur að íslensk fiskeldisfyrirtæki ættu að leita fyrirmynda í færeysku fiskeldi frekar en norsku, enda aðstæður á Íslandi mun líkari þeim sem Færeyingar hafa þurft að læra á og aðlagast.
Jonn er söluráðgjafi hjá færeyska félaginu KJ, sem myndar hluta af þríeyki öflugra fyrirtækja sem hafa sérhæft sig í búnaði fyrir sjókvíaeldi. Félögin taka í sameiningu þátt í Lagarlífi en öll eru þau staðsett í og við þorpið Fuglafjörð á Austurey og eru í hópi stærstu vinnustaða á svæðinu.
Hjá KJ starfa um 150 manns, sem er nokkuð mikið miðað við mannfjöldann á eyjunni. GroAqua er u.þ.b. 100 manna vinnustaður þegar allt er talið, en félagið hefur nýlega fest kaup á fyrirtækjum í Noregi og Skotlandi til að styrkja stöðu sína á alþjóðamarkaði. Loks er Vónin, þar sem starfa um 100 manns í Færeyjum en samanlagt um 400 ef við teljum með útibú félagsins
...