Orkusalan hefur keypt Forsæludal en jörðin er fremsta byggða ból í Vatnsdal í Austur-Húnavatnssýslu. Hefur fyrirtækið í hyggju að kanna möguleika til raforkuframleiðslu með virkjun vatnsafls í landi jarðarinnar, en Vatnsdalsá rennur þar um garð
Ólafur E. Jóhannsson
oej@mbl.is
Orkusalan hefur keypt Forsæludal en jörðin er fremsta byggða ból í Vatnsdal í Austur-Húnavatnssýslu. Hefur fyrirtækið í hyggju að kanna möguleika til raforkuframleiðslu með virkjun vatnsafls í landi jarðarinnar, en Vatnsdalsá rennur þar um garð. Þetta staðfestir Magnús Kristjánsson forstjóri Orkusölunnar í samtali við Morgunblaðið. Aðspurður segir hann kaupverðið trúnaðarmál.
Skoða fýsileika
Kaupin á Forsæludal gengu í gegn í síðasta mánuði og segir Magnús að áætlanir félagsins varðandi nýtingu jarðarinnar séu ekki nákvæmlega skilgreindar en virkjunarkostur í vatnsafli sé innan marka jarðarinnar og verði fýsileiki hans skoðaður nánar.
„Almennt erum við að skoða þá kosti sem eru í stöðunni til að tryggja
...