Úthlutað var úr Listasjóði Guðmundu S. Kristinsdóttur við opnun nýrrar Erró-sýningar, er ber heitið 1001 nótt, í Listasafni Reykjavíkur Hafnarhúsi á dögunum. Segir í tilkynningu að styrkveitingin hafi farið fram við hátíðlega athöfn þegar borgarstjórinn í Reykjavík, Einar Þorsteinsson, afhenti Unu Björgu Magnúsdóttur Guðmunduverðlaunin. Styrkurinn var nú veittur í 24. sinn framúrskarandi listakonu og er honum ætlað að vera hvatning til frekari dáða á sviði myndlistar. Erró stofnaði sjóðinn árið 1997 til minningar
um móðursystur sína og mikinn stuðningsmann, Guðmundu S. Kristinsdóttur frá Miðengi. Una Björg er fædd árið 1990 og útskrifaðist með BA-gráðu í myndlist frá Listaháskóla Íslands árið 2014 og MA-gráðu í myndlist í Sviss árið 2018. Hún býr nú og starfar að myndlist sinni í Reykjavík. „Una hefur verið ötul í sýningahaldi bæði hér heima og erlendis og hlaut til dæmis 2023 eftirsóttan styrk til eins