Andri Rúnar Bjarnason, sóknarmaðurinn reyndi úr Vestra, var besti leikmaður 25. umferðar Bestu deildar karla í fótbolta að mati Morgunblaðsins. Andri Rúnar, sem er frá Bolungarvík og hóf ferilinn þar, átti stórleik með Vestra á laugardaginn þegar…
Andri Rúnar Bjarnason, sóknarmaðurinn reyndi úr Vestra, var besti leikmaður 25. umferðar Bestu deildar karla í fótbolta að mati Morgunblaðsins.
Andri Rúnar, sem er frá Bolungarvík og hóf ferilinn þar, átti stórleik með Vestra á laugardaginn þegar hann skoraði þrennu í gríðarlega mikilvægum útisigri liðsins gegn Fram í Úlfarsárdal, 4:2.
Þar með hefur Andri skorað fimm mörk í þremur leikjum Vestra í neðri hluta deildarinnar og átt gríðarlega stóran þátt í að koma liðinu í vænlega stöðu í fallbaráttunni. Hann er fyrsti leikmaður félagsins til að skora þrennu í efstu deild og er kominn með alls átta mörk í deildinni í ár.
Mörkin orðin 134
Með þessari þrennu hefur Andri skorað 43 mörk í 102 leikjum í efstu deild
...