Fellibylurinn Milton dró hvergi af sér er hann gerði strandhögg við eyjuna Siesta Key í Mexíkóflóa á miðvikudagskvöldið og hélt þaðan inn yfir Flórídaríki, þar sem sextán manns hafa nú fundist látnir auk þess sem eyðileggingin blasir við hvarvetna
Atli Steinn Guðmundsson
atlisteinn@mbl.is
Fellibylurinn Milton dró hvergi af sér er hann gerði strandhögg við eyjuna Siesta Key í Mexíkóflóa á miðvikudagskvöldið og hélt þaðan inn yfir Flórídaríki, þar sem sextán manns hafa nú fundist látnir auk þess sem eyðileggingin blasir við hvarvetna.
Lenny Lopez hefur haft heimili sitt um borð í bátum síðustu fjóra áratugina og var felmtri sleginn er hann lýsti ástandinu fyrir bandarísku sjónvarpsstöðinni CNN í gær, en þeir kötturinn Roscoe höfðu þá siglt frá smábátahöfn í Ruskin á núverandi sjófari Lopez, sem hann hefur átt í aldarfjórðung og tengst tilfinningaböndum, og var ætlunin að forðast að verða á vegi Miltons enda óttast Lopez bátsmissi.
Hélt að komið væri að því
„Þetta er í fyrsta sinn
...