Svandís hafði setið í embætti formanns VG í slétta viku þegar Bjarni sleit samstarfinu.
Bergvin Oddsson
Fyrir áhugamanninn um íslensk stjórnmál og stjórnmálafræðinginn er gaman að vera til þegar þingrof og stjórnarslit verða að veruleika. Spá í spilin hvort Bjarni lifi þetta af og hverjir verði á listum hvar, hverjir detti út af þingi o.s.frv.
Það vekur athygli mína að Svandís Svavarsdóttir hafði setið í embætti formanns VG í slétta viku þegar Bjarni sleit stjórnarsamstarfinu. Að mínu mati er það afrek að klúðra sjö ára ríkisstjórnarsamstarfi á innan við 170 klukkustundum.
Í Silfrinu á mánudagskvöld sagði innviðaráðherrann Svandís að mikilvægt væri að vera með handfang þegar kæmi að húsnæðismálum. Þessi ágæti ráðherra hefur haft mörg ár til að beita sér í húsnæðismálunum og árangurinn er eftir því.