40 ára Hafdís er fædd og uppalin á Ísafirði en býr í Reykjavík. Hún er með B.Mus.-gráðu í píanóleik og meistaragráðu í listkennslu, hvort tveggja við Listaháskóla Íslands. Hún kennir píanóleik og tónfræði í Tónsölum og er listgreinakennari í Arnarskóla í Kópavogi. Áhugamálin eru t.d. dans, en Hafdís dansar afró í Kramhúsinu.
Fjölskylda Sonur Hafdísar er Páll Hinrik Hafdísarson, f. 2024. Foreldrar Hafdísar: Sigríður Kristín Sveinsdóttir, f. 1957, sjúkraliði, búsett í Reykjanesbæ, og Páll Kristjánsson, f. 1945, d. 2023, húsasmíðameistari.