Margrét Þóra Þórsdóttir
Akureyri
„Þetta hefur verið eins og skemmtilegt ævintýri,“ segja stelpurnar í hljómsveitinni Skandal. Þær eru allar nemar á lokaári í Menntaskólanum á Akureyri og hljómsveitin varð til innan veggja skólans. Hróðurinn hefur borist víða og þær verið á ferð og flugi undanfarin tvö sumur. Þær hafa gefið út nokkur frumsamin lög, fleiri eru væntanleg og plata í undirbúningi.
Stelpurnar í hljómsveitinni Skandal eru þær Inga Rós Suska Hauksdóttir frá Blönduósi og Hvammi í Vatnsdal sem sér um söng, Kolfinna Ósk Andradóttir frá Ólafsfirði leikur á hljómborð og fiðlu, Margrét Sigurðardóttir frá Siglufirði spilar á bassa, Sóley Sif Jónsdóttir frá Skagaströnd leikur á hljómborð, trommur og syngur og Sólveig Erla Baldvinsdóttir frá Tjörn á Skaga leikur á þverflautu.
...