Karl Blöndal
BBC verður iðulega fyrir valinu á leið í og úr vinnu í bílnum og nýtur þátturinn Hardtalk sérstakra vinsælda hjá bílstjóranum, sem jafnframt er eini farþeginn.
Þar tekur Stephen Sackur menn á beinið og hefur sérstakt dálæti á erfiðum og snúnum spurningum.
Það vill svo til að Sackur er á dagskrá á sama tíma og þessar eins manns áætlunarferðir á milli átta og hálfníu á morgnana, en því miður aðeins mánudaga, miðvikudaga og föstudaga.
Iðulega lenda menn í vandræðum hjá Sackur, Hugo Chavez, fyrrverandi forseti Venesúela, kallaði hann bjána og Sergei Lavrov utanríkisráðherra Rússlands sagði að spurningar hans væru „kjaftæði“ og rauk svo á braut í lok viðtals.
Í gærmorgun var mjög áhugavert viðtal við Dmítró Kúleba, fyrrverandi utanríkisráðherra Úkraínu, um hvað í vændum væri þegar Donald Trump tæki við valdataumunum í Washington og fyrir skömmu
...