50 ára Lára fæddist á Höfn í Hornafirði, ólst upp á Selfossi og býr í Kópavogi. Hún er eigandi Skreytingaþjónustunnar. „Við bjóðum upp á að skreyta alla viðburði ásamt því að leigja út vörur fyrir veislur. Áhugamálin snúast um skreytingar og að hafa fallegt í kringum mig.“
Fjölskylda Eiginmaður Láru er Stefán Már Stefánsson, f. 1976, líffræðingur hjá Hafrannsóknastofnun. Dætur þeirra eru Særún, f. 2005, og Magnea Hrönn Stefánsdóttir, f. 2014. Uppeldissonur Láru er Guðmundur Óli, f. 1994. Foreldrar Láru: Trausti G. Traustason, f. 1945, húsasmíðameistari, búsettur á Selfossi, og Hrefna Hektorsdóttir, f. 1946, d. 2015, læknaritari.