Volodimír Selenskí Úkraínuforseti fordæmdi á jóladag „grimmilegar“ flugskeyta- og drónaárásir Rússa á mikilvæga orkuinnviði nágrannaríkisins sem sætt hefur mannfalli og ógnarástandi styrjaldar í tæp þrjú ár síðan Vladimír Pútín Rússlandsforseti sigaði her sínum á Úkraínumenn
Blöskranleg atlaga Slökkviliðsmaður við störf í Karkív í kjölfar árásar Rússa á orkuinnviði Úkraínu á jólanótt sem þeir kveða vel heppnaða.
Atli Steinn Guðmundsson
atlisteinn@mbl.is
Volodimír Selenskí Úkraínuforseti fordæmdi á jóladag „grimmilegar“ flugskeyta- og drónaárásir Rússa á mikilvæga orkuinnviði nágrannaríkisins sem sætt hefur mannfalli og ógnarástandi styrjaldar í tæp þrjú ár síðan Vladimír Pútín Rússlandsforseti sigaði her sínum á Úkraínumenn.
Sagði Selenskí Rússa hafa tekið „meðvitaða ákvörðun“ með umfangsmikilli árás sinni á jólanótt þegar 184 flugskeyti og drónar, eftir því sem flugher Úkraínu kveður liðsmenn sína hafa talið, klufu næturhimininn á leið sinni að skotmörkunum í þrettándu stóratlögunni á orkuinnviði Úkraínu það sem af er árinu.
Illska Rússa dugi ekki til
Kveðst flugherinn hafa skotið hluta drónanna og flugskeytanna niður en
...