20. Fyrsta konan á forsetastóli í Mexíkó

Claudia Sheinbaum er fyrsta konan og jafnframt fyrsti gyðingurinn til að setjast í stól forseta í Mexíkó. Hún tók við embætti 1. október og var myndin tekin þá. Til hægri við hana er forveri hennar, Andrés Manuel López Obrador. Katólikkar eru í miklum meirihluta í landinu og konur fengu ekki kosningarétt fyrr en 1953. Sheinbaum fékk tæplega sextíu prósent atkvæða í kosningunum í júní. Þær voru sögulegar að því leyti að báðir helstu keppinautarnir um embættið voru konur. Sheinbaum var áður borgarstjóri Mexíkóborgar. Hennar bíða vandasöm verkefni á borð við að glíma við öflug og ofbeldisfull eiturlyfjagengi og taka á miklum hallarekstri ríkisins.