Af sól, skoteldum og nýári

Ólína Kjerúlf Þorvarðardóttir sendir þættinum góðar kveðjur: „Mér dettur í hug að þú getir kannski notað þessar, nú þegar sól fer að hækka á lofti þó að lítið sjáist til hennar:

Bak við fjöllin bjarmi af sól

boðar hlýrri daga,

er vorið sest á veldisstól

og vekur grös í haga.

Vekur líf og vonar þrótt,

vermir kalið hjarta,

hrekur dimma, dapra nótt,

daga glæðir bjarta.“

Hún heldur áfram: „Þessi árstími verður mér oft að yrkisefni, það hefur eitthvað að gera með skil birtu og myrkurs og þau óræðu tímamót