50 ára Arnar fæddist 2. janúar 1975 og átti því stórafmæli í gær. Hann fæddist í Reykjavík og ólst upp í Hlíðunum en býr í Kópavogi.
Arnar er stúdent frá Verzlunarskóla Íslands, lauk iðnrekstrarfræði frá Tækniskóla Íslands og útskrifaðist síðan með meistaragráðu í alþjóðaviðskiptum frá Álaborgarháskóla í Danmörku. Hann starfar sem framkvæmda- og fjármálastjóri Fastus ehf. og hefur starfað þar síðustu 18 ár.
Arnar er mikill golfari, veiðikarl og blakari. Honum finnst einnig skemmtilegt að skíða, fara á tónleika, klífa fjöll og stríða börnunum sínum. Hann er Valsari í húð og hár og einnig góður stuðningsmaður Manchester United.
Hann bjó um tíma í London og Argentínu og líður best í hlýju lofti. Honum finnst mjög gaman að ferðast, sama hvort það eru sólarlandaferðir með fjölskyldunni, golfferðir eða ferðalög til framandi landa.
Fjölskylda Arnar á þrjú börn. Þau eru Karen Sif Arnarsdóttir, f. 2002, sérfræðingur Viðskiptalausna markaða hjá Landsbankanum;