Í janúar 2008 hreifst Guðmundur af möguleikum raddgreiningar í farsíma og þótt ýmsir innan Google hafi dregið í efa að hægt væri að koma henni á koppinn hélt hann sínu striki.
Tilgangurinn helgar meðalið
Tíminn í kringum jólin er kallaður „holiday freeze“ í fyrirtækjum í Bandaríkjunum. Þá er fólk í fríi og markaðir hegða sér ekki með hefðbundnum hætti. Ég óttaðist hátíðarfrostið eins og pestina, að það kæmi í veg fyrir að við kæmum forritinu út fyrir áramót. Þess vegna brá ég á það ráð að koma þeim kvitti á kreik innan teymisins að mikil pressa hefði komið frá toppum fyrirtækisins um að koma þessu út fyrir jól. Með þessu vildi ég hvetja fólk til dáða á lokametrunum.
Ég hafði þó ekki hugsað þessa vafasömu brellu alveg til enda. Í fyrsta lagi voru Sergey Brin og Larry Page
...