— Morgunblaðið/Ólafur Árdal
Glódís Perla Viggósdóttir, landsliðsfyrirliði í knattspyrnu, var kjörin íþróttamaður ársins árið 2024 á 69. hófi Samtaka íþróttafréttamanna og Íþrótta- og Ólympíusambands Íslands í Hörpu. Hún vann kjörið með miklum yfirburðum og hlaut fullt hús stiga. Glódís Perla er áttunda konan sem er kjörin íþróttamaður ársins.
Glódís fagnaði vel með Þorgerði Katrínu Gunnarsdóttur utanríkisráðherra, Höllu Tómasdóttur forseta Íslands, Eygló Fanndal Sturludóttur, sem var í öðru sæti í kjörinu, Sóleyju Margréti Jónsdóttur, sem var í þriðja sæti, Ölmu Möller heilbrigðisráðherra og Ásthildi Lóu Þórsdóttur, mennta- og barnamálaráðherra. » 27