Eyjamaðurinn Elliði Snær Viðarsson verður með fyrirliðabandið í fyrstu leikjum Íslands á HM í handbolta í fjarveru Arons Pálmarssonar sem er meiddur. Elliði, sem leikur með Gummersbach í Þýskalandi, var í fyrsta skipti með bandið í vináttuleikjunum við Svíþjóð í undirbúningi fyrir HM
Fyrirliði Elliði Snær Viðarsson verður stoltur fyrirliði Íslands á heimsmeistaramótinu sem hófst í gær.
— Morgunblaðið/Eyþór
Í Zagreb
Jóhann Ingi Hafþórsson
johanningi@mbl.is
Eyjamaðurinn Elliði Snær Viðarsson verður með fyrirliðabandið í fyrstu leikjum Íslands á HM í handbolta í fjarveru Arons Pálmarssonar sem er meiddur. Elliði, sem leikur með Gummersbach í Þýskalandi, var í fyrsta skipti með bandið í vináttuleikjunum við Svíþjóð í undirbúningi fyrir HM.
„Fyrri leikurinn var mjög góður hjá liðinu en hann hefði mátt vera aðeins lengri hjá mér,“ sagði Elliði léttur við Morgunblaðið á hóteli landsliðsins í Zagreb, höfuðborg Króatíu, þar sem riðill og milliriðill Íslands fara fram.
Elliði fékk rautt spjald skömmu eftir að hann kom inn á í fyrri leiknum við Svíþjóð, sem var hans fyrsti leikur sem fyrirliði. Liðin skildu jöfn í fyrri leiknum
...