30 ára Birkir er Akureyringur, ólst upp á Eyrinni og býr í Naustahverfi. Hann er smiður að mennt og með BS-gráðu í íþróttafræði frá HÍ. Birkir er smiður hjá HeiðGuðByggir og þjálfari í ólympískum lyftingum hjá KA. Áhugamálin eru hreyfing og matur, en Birkir hefur mjög gaman af því að elda.
Fjölskylda Eiginkona Birkis er Telma Eiðsdóttir, f. 1993, með meistaragráðu í mannauðsstjórnun frá HR. Synir þeirra eru Heiðar Bjarmi, f. 2021, og Maron Breki, f. 2024. Foreldrar Birkis eru hjónin Jón Einar Jóhannsson, f. 1970, sölumaður hjá Tandri, og Anna Bjarney Guðmundsdóttir, f. 1972, leikskólakennari á Iðavöllum, búsett á Akureyri.