Fyrirtaka verður í málinu 13. febrúar.
Maðurinn sem er ákærður fyrir að hafa banað móður sinni í Breiðholti á síðasta ári hefur beðið um frest til að taka afstöðu um sök í málinu. Aðalmeðferð málsins hefst 19. mars næstkomandi.
Þingfesting fór fram fyrir Héraðsdómi Reykjavíkur í gær. Hinn ákærði var ekki viðstaddur, en verjandi hans var viðstaddur í gegnum fjarskiptabúnað. Hinn ákærði mun ekki taka afstöðu um sök fyrr en öll gögn málsins eru fyrir hendi, en beðið er eftir réttarkrufningarskýrslu og geðmati.