Kennsluvél hafnaði utan flugbrautar

Rannsóknarnefnd samgönguslysa var í gær kölluð á Reykjavíkurflugvöll þar sem kennsluflugvél af gerðinni Cessna Skyhawk C-172N fór út af braut við lendingu.

Hálka var á flugbrautinni og hlekktist vélinni á í lendingu. Einn var um borð í vél­inni og sakaði hann ekki. Brautinni var lokað tímabundið á meðan nefndin var að störfum. Ragn­ar Guðmunds­son, rann­sak­andi hjá rann­sókn­ar­nefnd sam­göngu­slysa, seg­ir erfitt að segja til um hversu lang­an tíma rannsókn taki.