Sigurganga Þórs frá Akureyri í úrvalsdeild kvenna í körfuknattleik hélt áfram í gærkvöld þegar Akureyrarliðið vann botnlið Aþenu í Austurbergi í Reykjavík, 95:85. Þetta var tíundi sigur Þórs í röð í deildinni, og að auki hefur liðið unnið tvo…
Austurberg Þórsarinn Madison Sutton gætir boltans vel en Lynn Peters úr Aþenu sækir að henni í viðureign liðanna í úrvalsdeildinni í gærkvöld.
— Morgunblaðið/Karítas
Körfuboltinn
Víðir Sigurðsson
vs@mbl.is
Sigurganga Þórs frá Akureyri í úrvalsdeild kvenna í körfuknattleik hélt áfram í gærkvöld þegar Akureyrarliðið vann botnlið Aþenu í Austurbergi í Reykjavík, 95:85.
Þetta var tíundi sigur Þórs í röð í deildinni, og að auki hefur liðið unnið tvo bikarleiki í millitíðinni, en sigurinn kom liðinu að hlið Hauka á toppnum. Haukar eru þó í efsta sæti á betri innbyrðis úrslitum og eiga til góða leik gegn Grindavík í kvöld.
Þór náði 17 stiga forystu seint í fyrri hálfleik og komst í 83:54 í lok þriðja leikhluta. Sigurinn var ekki í hættu eftir það en Aþena átti mjög góðan endasprett og kom forskoti Þórs niður í tíu stig áður en yfir lauk.
Amandine
...