Viðfangsefnin okkar í Samfélagi og menningu eru oft kölluð mjúku málin, aðallega af þeim sem lítt þekkja til. Það að framkalla jákvæð áhrif á ásýnd fyrirtækis og á hvernig fólk upplifir vörur, þjónustu eða vinnuumhverfið sitt er lykillinn að grjóthörðum árangri heildarinnar.
Eyrún Anna Einarsdóttir, framkvæmdastjóri Eignastýringar og miðlunar, og Sara Pálsdóttir, framkvæmdastjóri Samskipta og menningar, eru sammála um að stjórnendur eigi stóran þátt í að móta fyrirtækjamenningu og eigi að vera fyrirmyndir sem hægt er að leita til og læra af.
Eyrún Anna Einarsdóttir, framkvæmdastjóri Eignastýringar og miðlunar, og Sara Pálsdóttir, framkvæmdastjóri Samskipta og menningar, eru sammála um að stjórnendur eigi stóran þátt í að móta fyrirtækjamenningu og eigi að vera fyrirmyndir sem hægt er að leita til og læra af. — Morgunblaðið/Karítas

Árið 2021 var gerð breyting á framkvæmdastjórn Landsbankans og meðal annars stofnað nýtt svið, Samskipti og menning. Á þessum tímapunkti voru þrír ungir og brattir framkvæmdastjórar ráðnir til starfa, þar af tvær öflugar konur sem við ætlum að kynnast aðeins betur.

Stöðugt horft til þess að gera betur

Leiðir Eyrúnar Önnu Einarsdóttur og Söru Pálsdóttur að framkvæmdstjórastöðunum voru ansi ólíkar. Eyrún hefur starfað lengi hjá Landsbankanum, eða í rúm 18 ár, og hafði verið forstöðumaður Viðskiptalausna eignastýringar áður en hún tók við stöðu framkvæmdastjóra Eignastýringar og miðlunar. Þó Sara hafi starfað í bankanum með háskólanámi og verið hluti af teymi bankans í London eftir útskrift kom hún samt „ný“ aftur inn í bankann frá Eimskip.

Hjá Eimskip bauðst Söru staða á

...