40 ára Hafþór ólst upp í Breiðholti en býr í Hafnarfirði. Hann er menntaður margmiðlunarhönnuður og prentsmiður frá Tækniskólanum og starfar sem prentsmiður hjá Háskólaprenti. Áhugamálin eru grafísk hönnun, fiskveiðar og tölvuleikir og svo er Hafþór í hljómsveit þar sem hann spilar á gítar og syngur.
Fjölskylda Eiginkona Hafþórs er Arndís Jóna Vigfúsdóttir, f. 1983, menntaður kerfisstjóri. Sonur þeirra er Röskvi Máni, f. 2024. Móðir Hafþórs er Heiðrún Ásgeirsdóttir, f. 1958, og stjúpfaðir hans er Jóhannes Hafsteinsson, f. 1962, vélsmiður.