Agnes Helga María Ferro fæddist 15. október 1988. Hún lést 10. janúar 2025.
Útför Agnesar fór fram 29. janúar 2025.
Hinn 10. janúar síðastliðinn rann upp sá dagur sem við vonuðum að aldrei kæmi. Sjarmatröllið, ítalska ofurkonan, kvaddi þennan heim eftir hetjulega baráttu. Helvítis fokking krabbamein, það má alveg segja það upphátt! Hetjuleg barátta fékk nýja meiningu, krafturinn, baráttuviljinn og löngunin til að lifa var svo sterk.
Vinátta okkar spannar fjöldamörg ár og erfitt að rekja þá sögu í fáum orðum. Útilegur, jeppaferðir, ófáu danssporin sem tekin voru í Fjörgyn í Foldaskóla þar sem leiðir okkar lágu fyrst saman, kjallarinn í Logafoldinni, utanlandsferðirnar, „stopover“ í Minneapolis þar sem við hlógum allan tímann
...